حزرو مين الختيار ٢ ؟؟؟

متل ماحكينا بأول موضوع من حزرو مين الختيار إنو هدفنا نتعرف على ختيارية الضيعة ونتذكر أحلى ذكريات و أحلى قصص من ماضي حابا الي منفتخرفيه.
واليوم حابيب أحكيلكون عن ختيار توفى من زمان الله يرحمو .
كان زلمي بمعنى الكلمة قضي حياتو بين الزراعة الصيد وكان معروف عنو كرمو وشجاعتو وحكمتو كان يفصل بأي مشكلة تصير
بالضيعة والكل كانو يحسبولو آلف حساب وكلمتو ما بتصير تنتين.
بهديك الزمان كان هوي كبير الضيعة .بالنسبة ألي أنا بتذكرو شوي بتذكر كيف كان يمشي ويلبس وكنت تحس أنو عندو هيبي وكان يضل قاعد قدام بيتو على مصطبة زغيرة وبيتو على طريق الضيعة بين الساحة وبيدر الشرقي.الله يرحمو.
كان عندو مقولة مشهور والكل بيعرفوا وإسانا منرددة كل ما نجابت سيرتو ..منفختر فيه وهيدا الموضوع كتير زغير على هيك رجل .
لأنو معوماتي كتير قليلة عنو بس أنا حابب عرف الشباب عنو والي بيعرفو ذكرو فيه وإنشالله شوف مشاركات من الكل والي بيعرف جملتو المشهورة كمان يكتبلنا ياها.
وتحياتي لأحلى ضيعة وأحلى أهالي حابا .ومنلتقي بموضوع جديد.