للتعريف بختيارية حابا
راح نبلش بموضوع عن حزرو مين الختيار الي منقصدو بموضوعنا
أنا حابب الكل يشاركنا وهيك منتعرف على كل ختياريتنا ومنسترجع
ذكريات الماضي الجميل..
اليوم بدي أحكيلكون عن واحد ختيار لازم كلكون تعرفو .الله يرحمو
كان من أقوى زلم الضيعة عاش طول حياتو بين الأرض والصيد والزراعة,بستانو كان أحلى بستان بوادي الضيعة فيه كل أنواع الفواكه وكان يزرعو بكل أنواع الخضروات ,كان معروف عنو قوة قلبو ومنعتبرو أقوى صيادي الضيعة .ومعروف عنو إنو كان يحب أكتر شي صيد القنافد وبعد ما يكمشة بالطافورة كان يدبحا ويشرب دما .
وبزماناتو كمش ضبعة وهي عيشي وجابا على بيدر الغربي .
عندو لقب وهيدا بالفعل كان إسم على مسمى ,لقبو بالفعل كان يدل عليه وكان يشتغل بالأرض حتى صار كبير بالسن وكان على طول راكب على جحشتو (الله يعزكون) وينزل على أرضو بوادي الضيعة
ومنعتبرو أكبر معمر بالضعة وهوي ضل قوي ويروح ويجي لحتى مات الله يرحموا..
أنا متأكد إنو الكل راح يعرفو مينو وإنشالله نشوف مشاركات جميع الأعضاء وبتمنى منكون تكتبولنا وتحزرونا عن أي ختيار من ختيارية ضيعتنا الي منرفع راسنا بذكرون وسيرون ,وبقلك المثل الي ماعندو قديم ما عندو جديد..
وتحياتي لكل أعضاء وأهالي وختيارية حابا..
موضوع: حزرو مين الختيار ؟ 
الثلاثاء 17 نوفمبر 2009 - 18:45
